தமிழீழ தேசிய மாவீரர் நாள் 2019 பகுதி-2 (ஈகைச்சுடரேற்றல்)

0

தமிழீழ தேசிய மாவீரர் நாள் 2019 பகுதி-2 (ஈகைச்சுடரேற்றல்)
தமிழர் ஒருங்கிணைப்பு குழு – லண்டன் எக்ஸல்

செங்களமாடி ஈழமண்ணை முத்த மிட்ட வரை அகத்தில் இருத்தி 2019ஆம் ஆண்டிற்கான தமிழீழ தேசிய மாவீரர் நாளினை வழமைபோல் தமிழர் ஒருங்கிணைப்பு குழுவினால் எக்ஸல் மண்டபத்தில் நினைவு கூறப்படுகின்றது.

தமிழ் இளையோர் அமைப்பு செயற்பாட்டாளர்களினால் கொடிவணக்கம் நிகழ்த்தப்பட்டதைத் தொடர்ந்து ஈகைச்சுடரிக்கான ஆயத்த மணி ஒலி எழுப்பப்பட்டு தாயக மண்ணுக்காக தம் உயிரை ஈந்த நம் மாவீரச்செல்வங்களுக்கு அகவணக்கம் செலுத்தப்பட்டது.

தொடர்ந்து துயிலுமில்ல பாடல் ஒலித்த சம நேரத்தில் ஈகைச்சுடரினை மாவீரர்களை நினைவில் நிறுத்தி உன்னதமான ஈகை சுடரினை தமிழீழ விடுதலை புலிகளின் இம்ரான் பாண்டியன் படையின் தளபதி மணியரசன் அவர்களின் துணைவியும் சிறுத்தை படையினரின் மகளீர் சிறப்பு அணி தளபதியுமான திருமதி மணியரசன் அரபி அவர்கள் ஏற்றி வைத்தார். ஏற்றியதைத் தொடர்ந்து கல்லறைகளுக்கு முன்பாக மாவீரர் குடும்பத்தை சேர்ந்த உறவுகள் எம் மாவீரச்செல்வங்களுக்காக சுடரேற்ற எக்ஸல் மண்டபம் கண்ணீரில் மூழ்க எம் மாவீரர்களை நினைவு கூர்ந்து தீபம் ஏற்றப்பட்டது.

அதனை தொடர்ந்து எம் மாவீரச்செம்மல்களின் வீரதீர தியாக நினைவுகளோடு அவர்களுடைய திருவுருப்படங்களுக்கு செங்காந்தள் மலர்கள் தாங்கி கனத்த மனதோடு வணக்கம் செலுத்தப்பட்டுக்கொண்டிருக்கிறது.

 

SHARE